ਬਸੰਤਰ
ਅੱਜ ਕੱਲ ਤਾਂ ਘਰ ਮੇਰੇ ਦਾ ਰੰਗ ਹੀ ਕੋਈ ਹੋਰ ਏ
ਮੰਗਦਾ ਨਿਰਲੱਜ ਮੈਥੋਂ ਰੰਗ ਹੀ ਕੋਈ ਹੋਰ ਏ ..
ਹਰ ਸਵੇਰੇ, ਮੂੰਹ ਹਨ੍ਹੇਰੇ , ਚੁੱਪ ਚਪੀਤੇ ਕੋਲ ਬੈਠ
ਕਰ ਰਿਹੈ ਦੱਬੀ ਜੁਬਾਨੇ ਮੰਗ ਹੀ ਕੋਈ ਹੋਰ ਏ ...
ਹੋਰ ਹੀ ਰੁਖ ਢੰਗ ਨੇ ਤੇ ਹੋਰ ਹੀ ਨਖਰੇ ਨਵੇਂ
ਹੋਰ ਹੈ ਜੁਰਅਤ ਏਹਦੀ ਤੇ ਸੰਗ ਵੀ ਕੋਈ ਹੋਰ ਏ
ਜੇ ਮੈਂ ਪੁਛਾਂ ਲੋੜਦੈਂ ਕੀ ? ਬਿੱਟ ਬਿੱਟ ਤੱਕੇ ਪਿਆ
ਚੜ੍ਹਿਆ ਕਾਫ਼ਿਰ ਦੇ ਸਿਰ ਤੇ ਝੱਲ ਹੀ ਕੋਈ ਹੋਰ ਏ
ਉਂਝ ਤਾਂ ਸੀ ਮੁਢ ਤੋਂ ਮੂੰਹ ‘ਤੇ ਈਹਦੇ ਲਾਲੀ ਅਜੀਬ
ਹੁਣ ਹੈ ਜੇਹੜਾ ਨੂਰ ਓਹਦੀ ਗੱਲ ਹੀ ਕੁਛ ਹੋਰ ਏ
ਧੜਕਦੀ ਪਿੰਜਰ ਚ ਜੇਹੜੀ ਹੋਰ ਹੀ ਏ ਤਾਲ ਓਹ
ਵਾਂਗ ਪੰਛੀ ਤੜਪਦੀ ਜੋ ਰਗ ਵੀ ਕੋਈ ਹੋਰ ਏ
ਹੋਰ ਹੀ ਹੈ ਮੱਚਿਆ ਬ੍ਰੇਹਮੰਡ ਵਿਚ ਭਾਂਬੜ ਨਵਾਂ
ਫੈਲਦੀ ਚਾਰੇ ਖੰਡਾਂ ਵਿਚ ਅੱਗ ਵੀ ਕੋਈ ਹੋਰ ਏ
ਹੈ ਜਵਾਲਾ ਦਾ ਇਹ ਮੂੰਹ ਜਾਂ ਅਖ ਹੈ ਰਥਵਾਨ ਦੀ ?
ਹੈ ਨੇ ਅਗਨੀ ਬਾਣ ਓਈ
ਕਿਓਂ ਅੱਗ ਪਰ ਕੋਈ ਹੋਰ ਏ ?
ਪੈ ਗਿਐ ਏ ਰਾਹ ਤੇ ਮੜ੍ਹੀਆਂ ਦੀ ਅੱਜ ਕਮਜਾਤ ਇਹ ,
ਪਰ ਮਟਕ ਦੇਖੋ , ਅਖੇ “ ਮੇਰੀ ਜੇਹੀ ਕੋਈ ਤੋਰ ਹੈ ?"
"ਸੁਰਖ ਕਫ਼ਨ ਦੀ ਮੇਰੇ ਜੋ ਧਜ ਹੈ , ਕਿਥੇ ਹੈ ਹੋਰ ?
ਹਾਂ ਚਿਰਾਗਾਂ ਜਿਸ ਵਿਚ ਮੈਂ , ਅੱਗ ਹੀ ਕੋਈ ਹੋਰ ਹੈ
"ਫ਼ਕ਼ਰਾਂ ਲਈ ਇਸ਼ਕ ਪਲ ਪਲ ਮੌਤ ਦਾ ਦੂਜਾ ਹੈ ਨਾਮ
"ਕੌਣ ਘੁੱਟ ਘੁੱਟ ਮਰਨ ਲਈ ਕਰਦਾ ਫਿਰੇ ਜੀਵਨ ਹਰਾਮ
" ਇਸ਼ਕ਼ ਤੇ ਗੈਰਤ ਅਸਲ ਵਿਚ ਇੱਕ ਨੇ , ਜਾਣੇ ਕੋਈ
"ਬਿਨ ਦੌਲਤ, ਬਿਨ ਤਖ਼ਤ ਸੁਲਤਾਨੀਆਂ ਮਾਣੇ ਓਹੀ
"ਇਸ਼ਕ਼ ਬਾਝੋਂ ਰੁਲਦੇ ਹੀਰੇ, ਵਾਂਗ ਖੋਟੇ ਟਕਿਆਂ
"ਪ੍ਰੇਮ ਬਿਨ ਪ੍ਰਭ ਨਾ ਮਿਲੇ , ਸੌ ਤੀਰਥਾਂ , ਲਖ ਮੱ ਕਿਆਂ
‘ਇਸ਼ਕ਼ ਤੇ ਗੈਰਤ ਅਸਲ ਵਿਚ ਇਕ ’ ਆਸ਼ਿਕ਼ ਗਾਂਵਦੇ
ਕਰ ਕੇ ਟੋਟੇ ਜਿਗਰ ਦੇ ਓਹ ਨੀਹਾਂ ਵਿਚ
ਚਿਨਾਵਂਦੇ
ਹੋ ਮਗਨ , ਰਖ ਸੀਸ ਥੇਲੀ 'ਤੇ , ਪਏ ਓਹ ਗਾਂਵਦੇ ਏ
ਜ਼ਮੀਰ ਦੀ ਜੇ ਮੌਤ ਹੈ, ਸ਼ਰਤ ਸਿਰ ਉਠਾਣ ਦੀ
ਕੀ ਫਰਕ ਸਿਰ ਮੋਢਿਆਂ ਤੇ ਜਿਸੇ ਕਿਸੇ ਦੁਕਾਨ ਤੇ ?
No comments:
Post a Comment